公交车子WiFi个运营商16WiFi今朝宣布,上海5487辆公交车正式开通免费公交WiFi,每天超过250万人次可以辣辣乘车子个辰光享受。
个趟开通免费WiFi个公交车主要集中辣辣浦东新区脱松江、青浦、嘉定、奉贤、金山等郊区县,包括覆盖浦东新区个571辆车脱郊区县个近2000辆车,夯不啷当总共598条线路,每天运送乘客人次超过250万。
据介绍,公交16WiFi采用个是最安全个APP连网方式,可以自动辨别非法个黑客“钓鱼WiFi”;连网步骤也交关简单,乘客每次“蹭网”只需打开“16WiFi”APP,系统就会得自动完成公安网安要求个身份认证并连接上网。
采用4G设备个16WiFi网速更加快,铁保50人同时辣辣线高头,每个接入设备可分配3至4兆个带宽,完全可以满足看视频个需求。此外,16WiFi还贴钞票为乘客投保了1000万元个“公交WiFi安全责任险”,万一发生乘客财产拨偷情况将由保险公司负责理赔。